ମୁମ୍ବାଇ / ଭୁବନେଶ୍ୱର: ଦେଶର ସର୍ବବୃହତ ଘରୋଇ କମ୍ପାନୀ ରିଲାଏନ୍ସ ଇଣ୍ଡଷ୍ଟ୍ରିଜ୍ ୨୦୨୩-୨୪ ଆର୍ଥିକ ବର୍ଷରେ ସରକାରୀ ରାଜକୋଷରେ ମୋଟ ୧,୮୬,୪୪୦ କୋଟି ଟଙ୍କା ଜମା କରିଛି। ଗତ ବର୍ଷ ତୁଳନାରେ ଏହା ୯ ହଜାର କୋଟି ଟଙ୍କାରୁ ଅଧିକ ରହିଛି। କମ୍ପାନୀର ବାର୍ଷିକ ରିପୋର୍ଟରେ ଏହା ସାମ୍ନାକୁ ଆସିଛି। ଦେଶର ଅର୍ଥବ୍ୟବସ୍ଥାରେ ରିଲାଏନ୍ସର ବେଶ ଗୁରୁତ୍ୱପୂର୍ଣ୍ଣ ଅବଦାନ ରହିଛି। ୨୦୨୩-୨୪ ଆର୍ଥିକ ବର୍ଷରେ ୨୦ ଲକ୍ଷ କୋଟି ଟଙ୍କାର ବଜାର ପୁଞ୍ଜିକରଣ ମାଇଲ୍ଖୁଣ୍ଟ ଅତିକ୍ରମ କରିଥିବା ରିଲାଏନ୍ସ ଭାରତର ପ୍ରଥମ କମ୍ପାନୀ ହୋଇପାରିଛି। ଅନ୍ୟ କୌଣସି କମ୍ପାନୀ ବର୍ତ୍ତମାନ ପର୍ଯ୍ୟନ୍ତ ଏହି ଅଙ୍କକୁ ଛୁଇଁ ପାରି ନାହାଁନ୍ତି। ଗତ ଆର୍ଥିକ ବର୍ଷ ତୁଳନାରେ ଏହା ୨୭ ପ୍ରତିଶତ ବୃଦ୍ଧି ହୋଇଛି। ମାର୍କେଟ କ୍ୟାପିଟାଲାଇଜେସନ୍ ଅର୍ଥାତ ବଜାର ପୁଞ୍ଜିକରଣ ଦୃଷ୍ଟିରୁ ରିଲାଏନ୍ସ ହେଉଛି ବିଶ୍ୱର ୪୮ତମ କମ୍ପାନୀ। ସେହିଭଳି ମୋଟ ରାଜସ୍ୱରେ ରିଲାଏନ୍ସ ୧୦ ଲକ୍ଷ କୋଟି ଟଙ୍କାର ମାଇଲ୍ଖୁଣ୍ଟ ଅତିକ୍ରମ କରିଛି। ରପ୍ତାନିରେ ରିଲାଏନ୍ସ ଦେଶର ମେରୁଦଣ୍ଡକୁ ମଧ୍ୟ ମଜବୁତ କରୁଛି। ଗତ ଆର୍ଥିକ ବର୍ଷରେ ରିଲାଏନ୍ସ ପ୍ରାୟ ୩ ଲକ୍ଷ କୋଟି ଟଙ୍କାର ରପ୍ତାନି କରିଥିଲା। କେବଳ ରପ୍ତାନିରେ ନୁହେଁ ଦେଶରେ ପୁଞ୍ଜିଗତ ସମ୍ପତ୍ତି ନିର୍ମାଣରେ ମଧ୍ୟ ରିଲାଏନ୍ସ ସବୁଠାରୁ ବଡ ଯୋଗଦାନକାରୀଙ୍କ ମଧ୍ୟରେ ଅନ୍ୟତମ ରହିଛି । କମ୍ପାନୀର ବାର୍ଷିକ ରିପୋର୍ଟ ଅନୁଯାୟୀ, ରିଲାଏନ୍ସ ୨୦୨୩-୨୪ ଆର୍ଥିକ ବର୍ଷରେ ୧ ଲକ୍ଷ ୩୫ ହଜାର କୋଟି ଟଙ୍କାରୁ ଅଧିକ ପୁଞ୍ଜିନିବେଶ କରିଛି। ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନୀ ବାର୍ଷିକ ରିପୋର୍ଟରେ କହିଛନ୍ତି ଯେ ଗତ ଦଶନ୍ଧି ମଧ୍ୟରେ ବିଶ୍ୱର ଆର୍ଥିକ ଦୃଶ୍ୟପଟରେ ଭାରତର ଗୁରୁତ୍ୱ ବହୁଗୁଣିତ ହୋଇଛି। ଅସ୍ଥିରତା ଏବଂ ଅନିଶ୍ଚିତତାର ଏହି ଦୁନିଆରେ ଭାରତ ସ୍ଥିରତା ଏବଂ ସମୃଦ୍ଧିର ପ୍ରତୀକ ଭାବରେ ଉଭା ହୋଇଛି । ସମସ୍ତ କ୍ଷେତ୍ରଗୁଡିକରେ ଦୃଢ଼ ଅଭିବୃଦ୍ଧି ହେଉଛି ୧୪୦ କୋଟି ଭାରତୀୟଙ୍କ ସାମୂହିକ ପ୍ରୟାସର ଫଳ । ଭାରତ ଏବଂ ଭାରତୀୟତାର ଏହି ଭାବନା ​​ହିଁ ରିଲାଏନ୍ସକୁ ନିରନ୍ତର ନବସୃଜନ କରିବା ଏବଂ ପ୍ରତ୍ୟେକ ପ୍ରୟାସରେ ଉତ୍କୃଷ୍ଟତା ହାସଲ କରିବାକୁ ପ୍ରେରିତ କରିଥାଏ। ଭାରତର ଅଭିବୃଦ୍ଧି କାହାଣୀର ଏକ ଅଂଶ ହେବା ଏବଂ ଏହାର ଚମତ୍କାର ଅଭିବୃଦ୍ଧିରେ ଯୋଗଦାନ କରିବା ରିଲାଏନ୍ସ ପରିବାର ପାଇଁ ଗର୍ବର ବିଷୟ। ସମାଜ ପ୍ରତି ଏହାର ଦାୟିତ୍ୱ ନିର୍ବାହ କରି କମ୍ପାନୀ ସାମାଜିକ ଦାୟିତ୍ୱବୋଧ ବା ସିଏସଆର ବାବଦରେ ୨୦୨୩-୨୦୨୪ ଆର୍ଥିକ ବର୍ଷରେ ମୋଟ ୧,୫୯୨ କୋଟି ଟଙ୍କା ଖର୍ଚ୍ଚ କରିଛି। ପୂର୍ବ ଆର୍ଥିକ ବର୍ଷ ତୁଳନାରେ ଏହା ୩୦୦ କୋଟି ଟଙ୍କା ଅଧିକ। ଲାଭ ହାସଲ କରିବାରେ ମଧ୍ୟ କମ୍ପାନୀ ପ୍ରଥମ ସ୍ଥାନରେ ରହିଛି। ୨୦୨୩-୨୪ ଆର୍ଥିକ ବର୍ଷରେ କମ୍ପାନୀର ଟିକସ ପରବର୍ତ୍ତୀ ଲାଭ ୭୯୦୦୦ କୋଟି ଟଙ୍କାରୁ ଅଧିକ ରହିଥିଲା । ପୂର୍ବ ଆର୍ଥିକ ବର୍ଷର ୭୩୬୭୦ କୋଟି ଟଙ୍କା ତୁଳନାରେ ଏହା ୭.୩ ପ୍ରତିଶତ ଅଧିକ ରହିଥିଲା।

ନୂଆଦିଲ୍ଲୀ: ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ଼ ଫର୍ଚ୍ୟୁନ୍ ଗ୍ଲୋବାଲ୍ ୫୦୦ ତାଲିକାରେ ୨ ସ୍ଥାନ ଉପରକୁ ଉଠି ୮୬ ତମ ସ୍ଥାନକୁ ଉନ୍ନୀତ ହୋଇଛି। ଗତ ତିନିବର୍ଷ ମଧ୍ୟରେ ତାଲିକାରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ୬୯ ଟି ସ୍ଥାନ ଉପରକୁ ଉଠିଛି। ୨୦୨୧ ମସିହାରେ, ରିଲାଏନ୍ସ ଏହି ତାଲିକାରେ ୧୫୫ ତମ ସ୍ଥାନରେ ରହିଥିଲା। ଫର୍ଚ୍ୟୁନ୍ ଗ୍ଲୋବାଲ୍ ୫୦୦ ତାଲିକାରେ ଭାରତୀୟ କମ୍ପାନୀଗୁଡିକ ମଧ୍ୟରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଶୀର୍ଷ ସ୍ଥାନରେ ରହିଛି। ଲଗାତାର ୨୧ ବର୍ଷ ଧରି ଫର୍ଚୁନ୍ ଗ୍ଲୋବାଲ୍ ୫୦୦ ତାଲିକାରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ସ୍ଥାନ ବଜାୟ ରଖିଛି। ଅନ୍ୟ କୌଣସି ଭାରତୀୟ କମ୍ପାନୀ ଏତେ ଦିନ ଧରି ଏହି ତାଲିକାରେ ରହିପାରି ନାହାଁନ୍ତି। ଫର୍ଚୁନ୍ ଅନୁଯାୟୀ, ରିଲାଏନ୍ସର ଆୟ ୧୦୮୮୭୭ ମିଲିୟନ ଡ଼ଲାର୍ ରେକର୍ଡ କରାଯାଇଥିଲା। କମ୍ପାନୀର ଲାଭ ୧.୩ ପ୍ରତିଶତ ବୃଦ୍ଧି ପାଇ ୮୪୧୨ ନିୟୁତ ଡଲାର ସ୍ତରରେ ପହଞ୍ଚିଛି ଏବଂ ପ୍ରାୟ ୩.୫ ଲକ୍ଷ କର୍ମଚାରୀ ରିଲାଏନ୍ସକୁ ସେମାନଙ୍କ ସେବା ଯୋଗାଇଛନ୍ତି। ୱାଲମାର୍ଟ, ଆମାଜନ ଏବଂ ଷ୍ଟେଟ୍ ଗ୍ରୀଡ୍ ଫର୍ଚୁନ୍ ଗ୍ଲୋବାଲ୍ ୫୦୦ ତାଲିକାରେ ପ୍ରଥମ ତିନୋଟି ସ୍ଥାନରେ ରହିଛନ୍ତି । ଏହା ବ୍ୟତୀତ ଆପଲ୍, ଟୟୋଟା ମୋଟର୍ସ, ଆଲଫାବେଟ୍, ସାମସଙ୍ଗ ଏବଂ ମେଟା ପ୍ଲାଟଫର୍ମ ଭଳି କେତେକ ପ୍ରମୁଖ କମ୍ପାନୀ ମଧ୍ୟ ପ୍ରଥମ ୧୦୦ ମଧ୍ୟରେ ସ୍ଥାନ ପାଇଛନ୍ତି।

ଭୁବନେଶ୍ୱର: ଲଜିଷ୍ଟିକ୍ସ ଡ୍ରୋନ୍ ନିର୍ମାଣ କ୍ଷେତ୍ରରେ ଏକ ଅଗ୍ରଗାମୀ ସଂସ୍ଥା ବନ୍‌ଭି ଏରୋ ବିଶ୍ୱର ସର୍ବବୃହତ ପିଚ୍ ପ୍ରତିଯୋଗିତାରେ ‘ମିଟ୍ ଦ ଡ୍ରେପର୍ସ- ସିଜନ ୬’ର ଆନ୍ତର୍ଜାତୀୟ ବିଜେତା ହୋଇ ଏକ ଉଲ୍ଲେଖନୀୟ ସଫଳତା ହାସଲ କରିଛି । ଏହି ବିଜୟ କେବଳ ପ୍ରତିରକ୍ଷା ଓ ଏରୋସ୍ପେଶ କ୍ଷେତ୍ରରେ ଡ୍ରୋନଗୁଡିକର ଏକ ଅଗ୍ରଣୀ ଡିପ୍‌-ଟେକ୍ ମାନୁଫ୍ୟାକ୍‌ଚରର ଭାବେ ବନ୍‌ଭିର ସ୍ଥିତିକୁ ସୁଦୃଢ କରିନାହିଁ ବରଂ ଏକ ୟୁଏସ୍ ଟିଭି ଶୋ’ରେ ୧୪ କୋଟି ଟଙ୍କାର ପୁରସ୍କାର ଜିତିଥିବା ଏକ ଭାରତୀୟ କମ୍ପାନୀ ଭାବେ ପ୍ରଥମ ହୋଇଛନ୍ତି । ଏହି ସଫଳତା ଉପରେ ବନ୍‌ଭି ଏରୋର ସହ-ପ୍ରତିଷ୍ଠାତା ଓ ସିଇଓ, ସତ୍ୟବ୍ରତ ଶତପଥୀ କହିଛନ୍ତିଯେ, “ଆମେ ମିଟ୍ ଦ ଡ୍ରେପର୍ସରେ ଶୀର୍ଷ ପୁରସ୍କାର ହାସଲ କରି ଉତ୍ସାହିତ ଅନୁଭବ କରୁଛୁ ଯାହା ପ୍ରତିରକ୍ଷା ଓ ଏରୋସ୍ପେଶ କ୍ଷେତ୍ରରେ ଉତ୍କର୍ଷତା ଓ ଉଦ୍ଭାବନ ପ୍ରତି ଆମର ଉତ୍ସର୍ଗୀକୃତତାକୁ ରେଖାଙ୍କିତ କରୁଛି । ଏହି ସଫଳତା ଆମ ଟିମ୍‌ର କଠିନ ପରିଶ୍ରମ ଓ ଲକ୍ଷ୍ୟ ପ୍ରତି ଏକ ପ୍ରମାଣ ଅଟେ ଏବଂ ଏହା ଆନ୍ତର୍ଜାତୀୟ ଉଦ୍ୟୋଗିକ ମଂଚରେ ଓଡିଶାର ବର୍ଦ୍ଧିତ ପ୍ରାଧାନ୍ୟକୁ ସୁଦୃଢ କରିଛି ।” ମିଟ୍ ଦ ଡ୍ରେପର୍ସରେ ବିଚାରପତି ମଣ୍ଡଳୀରେ ଟେସ୍‌ଲା, ସ୍ପେଶ ଏକ୍ସ, ହଟ୍‌ମେଲ, ସ୍କାଇପ୍ ଭଳି ଅତ୍ୟାଧୁନିକ କମ୍ପାନୀ ଏବଂ ଓ ଅନ୍ୟ ୨୫ଟି ୟୁନିକର୍ଣ୍ଣରେ ନିଜର ପ୍ରାରମ୍ଭିକ ପର୍ଯ୍ୟାୟ ନିବେଶ ପାଇଁ ସୁପରିଚିତ ଭେଂଚର କ୍ୟାପିଟାଲିଷ୍ଟ ଟିମ୍ ଡ୍ରେପର୍ ଓ ତାଙ୍କ ପରିବାର ସାମିଲ ଥିଲେ । ଏସମ୍ପର୍କରେ ଶ୍ରୀ ଶ୍ରୀ ୟୁନିଭର୍ସିଟିର ଏସ୍‌ଏସ୍‌ୟୁ ଇନୋଭେଶନ ଫାଉଣ୍ଡେଶନର ସିଇଓ ଡଃ ବରଦା ପି. ପାଣିଗ୍ରାହୀ କହିଛନ୍ତି, “ଆମର ଅଭିନବ ଆଭିମୁଖ୍ୟ ଓ ଦୃଷ୍ଟିକୋଣକୁ ଟିମ୍ ଡ୍ରେପର୍‌ଙ୍କ ଅନୁମୋଦନ ଏକ ଅଦ୍ଭୁତପୂର୍ବ ସମ୍ମାନ ଅଟେ । ତାଙ୍କର ସ୍ୱୀକୃତି ଅତ୍ୟାଧୁନିକ ଡ୍ରୋନ ଟେକ୍ନୋଲୋଜି ମାଧ୍ୟମରେ ପରିବହନ କ୍ଷେତ୍ରକୁ ବୈପ୍ଳବିକ କରିବା ପାଇଁ ଆମର ଲକ୍ଷ୍ୟକୁ ବୈଧ କରିଛି ।” ବନ୍‌ଭି ଏରୋର ସଦ୍ୟତମ ସଫଳତା ଏହି ପ୍ରତିଯୋଗିତାର ବିଜୟ ଓ ଫଣ୍ଡିଙ୍ଗ୍ ସଫଳତାଠାରୁ ଆଗକୁ ବିସ୍ତାରିତ ହୋଇଛି । ବନ୍‌ଭିର ଏରିଏଲ ଯାନ କାର୍ବନ-ମୁକ୍ତ ଓ ଶୂନ ନିର୍ଗମନ ବିଶିଷ୍ଟ ଅଟେ ଏବଂ ୨୦୭୦ ସୁଦ୍ଧା ନେଟ୍ ଜିରୋ ପାଇଁ ଭାରତ ଯାତ୍ରାରେ ଏହା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବା । କମ୍ପାନୀର ସିଟିଓ ଓ ସହ-ପ୍ରତିଷ୍ଠାତା ଅବିନାଶ ସାହୁ କହିଛନ୍ତି, “କମ୍ପାନୀ ସଫଳତାର ସହ ଭାରତୀୟ ସେନାକୁ ଆଡ୍‌ଭାନ୍ସଡ ଲିଜିଷ୍ଟିକ୍ସ ଡ୍ରୋନ୍ ପ୍ରଦାନ କରିଛି, ଯାହା ୧୦,୦୦୦ ଫୁଟ୍‌ରୁ ଅଧିକ ଉଚ୍ଚତା ସମେତ ଅଧିକ ଉଚ୍ଚତା ବିଶିଷ୍ଟ ଓ ଆହ୍ୱାନପୂର୍ଣ୍ଣ ପରିବେଶଗୁଡିକରେ ପରିଚାଳନା କରିବା ପାଇଁ ଏହାର କ୍ଷମତାକୁ ପ୍ରଦର୍ଶିତ କରୁଛି ।” ଷ୍ଟାର୍ଟଅପ୍ ଓଡ଼ିଶାର କାର୍ଯ୍ୟନିର୍ବାହୀ ଅଧ୍ୟକ୍ଷ ଶ୍ରୀ ଓମକାର ରାୟ କହିଛନ୍ତି ଯେ, “ ଏହା କେବଳ ବନ୍‌ଭି ଏରୋ ପାଇଁ ନୁହେଁ ବରଂ ଆମ ରାଜ୍ୟର ସମସ୍ତ ଷ୍ଟାର୍ଟଅପ୍‌ଗୁଡିକ ପାଇଁ ମଧ୍ୟ ଏକ ବଡ ସଫଳତା ଅଟେ । ଆମେ ବହୁତ ଖୁସି ଯେ, ଷ୍ଟାର୍ଟଅପ୍ ଓଡିଶା ବିକଶିତ ହେଉଛି ଏବଂ ଆମେ ବନ୍‌ଭି ଏରୋର ସଫଳତାକୁ ଆମର ସଫଳତା ଭାବେ ବିବେଚନା କରୁଛୁ । ମୁଁ ଆପଣଙ୍କ ସହ ଏହା ସେୟାର କରି ଖୁସି ଅନୁଭବ କରୁଛି ଯେ, ଓଡିଶାରେ ମାନବ ସମ୍ବଳ ଓ ବୈଷୟିକ ସହଯୋଗର ଏକ ମଜବୁତ ଆଧାରକୁ ବିକଶିତ କରାଯାଉଛି ଯାହା ଡ୍ରୋନ ଟେକ୍ନେଲୋଜି ଓ ଆଭିଏଶନ କ୍ଷେତ୍ରରେ ଷ୍ଟାର୍ଟଅପ୍‌ଗୁଡିକୁ ଆଗକୁ ବଢିବାରେ ସାହାଯ୍ୟ କରିବ ।” “ଏଆଇସି-ସିଜିୟୁ ଏବଂ ସିଭି ରମଣ ଗ୍ଲୋବାଲ ୟୁନିଭର୍ସିଟି, ମିଟ ଦ ଡ୍ରେପର୍ସ ସିଜନ-୬ରେ ସେମାନଙ୍କ ଷ୍ଟାର୍ଟଅପ୍‌ର ବିଜୟକୁ ଗର୍ବର ସହ ପାଳନ କରୁଛନ୍ତି, ଯାହା ଅନ୍ତର୍ଜାତୀୟ ମଂଚରେ ଗୁରୁତ୍ୱପୂର୍ଣ୍ଣ ମାଇଲଖୁଂଟକୁ ଚିହ୍ନ୍‌ିତ କରୁଛି । ପ୍ରମୋଟର ଶ୍ରୀ ସଞ୍ଜିବ କୁମାର ରାଉତ କହିଛନ୍ତି, “ଆମେ ଏକ ସୁଦୃଢ ଡ୍ରୋନ ଇକୋସିଷ୍ଟମର ପରିକଳ୍ପନା କରିଛୁ ଯାହା ଉଦ୍ଭାବନକୁ ତ୍ୱରାନ୍ୱିତ କରିବା ଏବଂ ଆଶାୟୀ ଉଦ୍ୟୋଗୀମାନଙ୍କୁ ସଶକ୍ତ କରିବା ପାଇଁ ମେଂଟରିଂ, ପ୍ରୋଟୋଟାଇପିଂ / ମାନୁଫ୍ୟାକ୍‌ଚରିଂ ଫ୍ୟାସିଲିଟି ଓ ଫଣ୍ଡିଙ୍ଗ୍ ସୁଯୋଗ ପ୍ରଦାନ କରିବ । ଆମେ ବିନ୍‌ଭି ଏରୋକୁ ପରବର୍ତୀ ପର୍ଯ୍ୟାୟଗୁଡିକ ପାଇଁ ପାଣ୍ଠି ହାସଲ କରିବା ଏବଂ ଭାରତର ୟୁନିକର୍ଣ୍ଣଗୁଡିକ ମଧ୍ୟରେ ଅବସ୍ଥାପିତ କରିବା ପାଇଁ ଷ୍ଟାର୍ଟଅପ୍‌ର ମୁଲ୍ୟ ବୃଦ୍ଧି କରିବାରେ ସାହାଯ୍ୟ କରିବା ପାଇଁ ଆଶାବାଦୀ ରହିଛୁ ।” ବିପର୍ଯ୍ୟୟ ପରିଚାଳନା, ରିଲିଫ ଓ ଉଦ୍ଧାର କାର୍ଯ୍ୟରେ ଓଡ଼ିଶା ସରକାର ସମ୍ମୁଖୀନ ହେଉଥିବା କିଛି ସ୍ୱତନ୍ତ୍ର ସମସ୍ୟାଗୁଡ଼ିକର ସମାଧାନ ପାଇଁ ବୋନଭି ଏରୋ ପ୍ରତିଶ୍ରୁତିବଦ୍ଧ । କମ୍ପାନୀର ଲକ୍ଷ୍ୟ ହେଉଛି ସାମଗ୍ରୀ ଏବଂ ଜନ ପରିବହନରେ କାର୍ବନ ମୁକ୍ତ ଏରିଅଲ ମୋବିଲିଟି ସମାଧାନରେ ନିଜକୁ ଏକ ବିଶ୍ୱସ୍ତରୀୟ ନେତୃତ୍ୱ ଭାବରେ ପ୍ରତିଷ୍ଠିତ କରିବା ଏବଂ ପରିଚାଳନା ଦକ୍ଷତା, ବିଶ୍ୱସନୀୟତା ଏବଂ ନିରନ୍ତର ଅଭିନବତା ଉପରେ ଗୁରୁତ୍ୱ ଦେବା । ଏହାବ୍ୟତୀତ ଏହି ଅବସରରେ ଅନ୍ୟମାନଙ୍କ ମଧ୍ୟରେ ଏଆଇସି ସିଭି ରମଣ ଗ୍ଲୋବାଲ ୟୁନିଭର୍ସିଟିର ସିଓଓ, ସ୍ଥିତ ପ୍ରଜ୍ଞା ଓ କିଟ୍‌ର ଭାଗବତୀ ପଟ୍ଟନାୟକ ଉପସ୍ଥିତ ଥିଲେ ।

ଭୁବନେଶ୍ୱର: ନିକଟରେ ଭାରତର ତିନି ପ୍ରମୁଖ ଘରୋଇ ଟେଲିକମ କମ୍ପାନୀ ରିଲାଏନ୍ସ ଜିଓ, ଭାରତୀ ଏୟାରଟେଲ ଏବଂ ଭୋଡାଫୋନ ଆଇଡ଼ିଆ ପକ୍ଷରୁ ନୂଆ ବର୍ଦ୍ଧିତ ରିଚାର୍ଜ ପ୍ଲାନ ଘୋଷଣା କରାଯାଇଛି। ଏହିସବୁ ନୂଆ ବର୍ଦ୍ଧିତ ରିଚାର୍ଜ ପ୍ଲାନ ଜୁଲାଇ ୩ରୁ ଲାଗୁ ହେବାକୁ ଯାଉଛି। ତେବେ ତିନି ଅପରେଟରଙ୍କ ଦ୍ୱାରା ଘୋଷଣା କରାଯାଇଥିବା ନୂଆ ବର୍ଦ୍ଧିତ ରିଚାର୍ଜ ପ୍ଲାନଗୁଡିକର ତୁଳନାତ୍ମକ ଅନୁଶୀଳନରେ ନୂଆ ପ୍ଲାନରେ ମଧ୍ୟ ରିଲାଏନ୍ସ ଜିଓ ଅନ୍ୟ ଦୁଇ ଅପରେଟରଙ୍କ ତୁଳନାରେ ସବୁଠାରୁ ଶସ୍ତା ରହିଥିବା ଜଣାପଡିଛି। ଉଦାହରଣ ସ୍ୱରୂପ ରିଲାଏନ୍ସ ଜିଓର ଦୈନିକ ୧ ଜିବି ଡାଟା ମିଳୁଥିବା ମାସିକ ପ୍ଲାନ ମୂଲ୍ୟ ୨୪୯ ଟଙ୍କା ରହିଥିବା ବେଳେ ଏୟାରଟେଲ ଏବଂ ଭୋଡାଫୋନ ଆଇଡ଼ିଆର ସମାନ ସୁବିଧା ରହିଥିବା ପ୍ଲାନ ମୂଲ୍ୟ ୨୯୯ ଟଙ୍କା ରହିଛି ଯାହା ଜିଓ ଠାରୁ ୨୦ ପ୍ରତିଶତ ବା ୫୦ ଟଙ୍କା ଅଧିକ। ସେହିଭଳି ରିଲାଏନ୍ସ ଜିଓର ଦୈନିକ ୧.୫ ଜିବି ଡାଟା ମିଳୁଥିବା ମାସିକ ପ୍ଲାନ ମୂଲ୍ୟ ୨୯୯ ଟଙ୍କା ରହିଥିବା ବେଳେ ଏୟାରଟେଲ ଏବଂ ଭୋଡାଫୋନ ଆଇଡ଼ିଆର ସମାନ ସୁବିଧା ରହିଥିବା ପ୍ଲାନ ମୂଲ୍ୟ ୩୪୯ ଟଙ୍କା ରହିଛି। ଦୈନିକ ୨ ଜିବି ଡାଟା ମିଳୁଥିବା ମାସିକ ପ୍ଲାନରେ ରିଲାଏନ୍ସ ଜିଓର ପ୍ଲାନ ମୂଲ୍ୟ ୩୪୯ ଟଙ୍କା ରହିଥିବା ବେଳେ ଏୟାରଟେଲ ଏବଂ ଭୋଡାଫୋନ ଆଇଡ଼ିଆର ସମାନ ପ୍ଲାନ ମୂଲ୍ୟ ୩୭୯ ଟଙ୍କା ରହିଛି। ଦୈନିକ ୧.୫ ଜିବି ଡାଟା ମିଳୁଥିବା ଦୁଇ ମାସିଆ ପ୍ଲାନରେ ତିନି କମ୍ପାନୀଙ୍କ ପ୍ଲାନ ମୂଲ୍ୟ ୫୭୯ ଟଙ୍କା ରହିଥିବା ବେଳେ ଦୈନିକ ୨ ଜିବି ଡାଟା ମିଳୁଥିବା ଦୁଇ ମାସିଆ ପ୍ଲାନ ପାଇଁ ରିଲାଏନ୍ସ ଜିଓର ପ୍ଲାନ ମୂଲ୍ୟ ୬୨୯ ଟଙ୍କା ଓ ଏୟାରଟେଲ ଏବଂ ଭୋଡାଫୋନ ଆଇଡ଼ିଆର ପ୍ଲାନ ମୂଲ୍ୟ ୬୪୯ ଟଙ୍କା ରହିଛି। ସେହିଭଳି ଲୋକପ୍ରିୟ ତିନିମାସ ବା ୮୪ ଦିନ ଅବଧିର ରିଚାର୍ଜ ପ୍ଲାନ କ୍ଷେତ୍ରରେ ମଧ୍ୟ ରିଲାଏନ୍ସ ଜିଓର ନୂଆ ପ୍ଲାନ ସବୁଠାରୁ ଶସ୍ତା ରହିଛି। ରିଲାଏନ୍ସ ଜିଓର ଦୈନିକ ୨ ଜିବି ଡାଟା ମିଳୁଥିବା ତିନିମାସିଆ ପ୍ଲାନ ମୂଲ୍ୟ ୮୫୯ ଟଙ୍କା ରହିଥିବା ବେଳେ ଏୟାରଟେଲ ଏବଂ ଭୋଡାଫୋନ ଆଇଡ଼ିଆର ସମାନ ପ୍ଲାନ ମୂଲ୍ୟ ୯୭୯ ଟଙ୍କା ରହିଛି। ଦୈନିକ ୧.୫ ଜିବି ଡାଟା ମିଳୁଥିବା ତିନିମାସିଆ ପ୍ଳାନରେ ରିଲାଏନ୍ସ ଜିଓର ପ୍ଲାନ ମୂଲ୍ୟ ୭୯୯ ଟଙ୍କା ରହିଥିବା ବେଳେ ଏୟାରଟେଲ ଏବଂ ଭୋଡାଫୋନ ଆଇଡ଼ିଆର ସମାନ ପ୍ଲାନ ମୂଲ୍ୟ ୮୫୯ ଟଙ୍କା ରହିଛି। ୩୬୫ ଦିନ ଅବଧି ବିଶିଷ୍ଟ ବାର୍ଷିକ ପ୍ଲାନ କ୍ଷେତ୍ରରେ ସମସ୍ତ ତିନି ଅପରେଟରଙ୍କ ପ୍ଲାନ ମୂଲ୍ୟ ୩୫୯୯ ଟଙ୍କା ରହିଥିବା ବେଳେ ରିଲାଏନ୍ସ ଜିଓ ୨୦ ପ୍ରତିଶତ ଅଧିକ ଡାଟା ପ୍ରଦାନ କରୁଛି। ଏହି ପ୍ଳାନରେ ରିଲାଏନ୍ସ ଜିଓ ଦୈନିକ ୨.୫ ଜିବି ପ୍ରଦାନ କରୁଥିବା ବେଳେ ଏୟାରଟେଲ ଏବଂ ଭୋଡାଫୋନ ଆଇଡ଼ିଆ ଦୈନିକ ୨ ଜିବି ଡାଟା ପ୍ରଦାନ କରୁଛନ୍ତି। ଅତିରିକ୍ତ ଡାଟା ପ୍ୟାକ କ୍ଷେତ୍ରରେ ରିଲାଏନ୍ସ ଜିଓର ୧ ଜିବି, ୨ ଜିବି, ୬ ଜିବି ଅତିରିକ୍ତ ଡାଟା ପ୍ୟାକ ମୂଲ୍ୟ ଯଥାକ୍ରମେ ୧୯ ଟଙ୍କା, ୨୯ ଟଙ୍କା ଓ ୬୯ ଟଙ୍କା ରହିଛି। ଅନ୍ୟପକ୍ଷରେ ଏୟାରଟେଲ ଏବଂ ଭୋଡାଫୋନ ଆଇଡ଼ିଆର ୧ ଜିବି, ୨ ଜିବି, ୬ ଜିବି ଅତିରିକ୍ତ ଡାଟା ପ୍ୟାକ ମୂଲ୍ୟ ଯଥାକ୍ରମେ ୨୨ ଟଙ୍କା, ୩୩ ଟଙ୍କା ଓ ୭୭ ଟଙ୍କା ରହିଛି। ରିଲାଏନ୍ସ ଜିଓର ନୂଆ ପୋଷ୍ଟପେଡ଼ ପ୍ଲାନ ମୂଲ୍ୟ ଏୟାରଟେଲ ଏବଂ ଭୋଡାଫୋନ ଆଇଡ଼ିଆର ସମାନ ପୋଷ୍ଟପେଡ଼ ପ୍ଲାନ ତୁଳନାରେ ୧୦୦ ଟଙ୍କା କମ ରହିଛି। ମାସିକ ୩୦ ଜିବି ଡାଟା ଉପଲବ୍ଧ ହେଉଥିବା ଜିଓର ନୂଆ ପୋଷ୍ଟପେଡ଼ ପ୍ଲାନ ମୂଲ୍ୟ ୩୪୯ ଟଙ୍କା ରହିଥିବା ବେଳେ ଏୟାରଟେଲ ଏବଂ ଭୋଡାଫୋନ ଆଇଡ଼ିଆର ସମାନ ପୋଷ୍ଟପେଡ଼ ପ୍ଲାନର ମୂଲ୍ୟ ୪୪୯ ଟଙ୍କା ରହିଛି। ସେହିଭଳି ମାସିକ ୭୫ ଜିବି ଡାଟା ଉପଲବ୍ଧ ହେଉଥିବା ଜିଓର ନୂଆ ପୋଷ୍ଟପେଡ଼ ପ୍ଲାନ ମୂଲ୍ୟ ୪୪୯ ଟଙ୍କା ରହିଥିବା ବେଳେ ଏୟାରଟେଲ ଏବଂ ଭୋଡାଫୋନ ଆଇଡ଼ିଆର ସମାନ ପୋଷ୍ଟପେଡ଼ ପ୍ଲାନର ମୂଲ୍ୟ ୫୪୯ ଟଙ୍କା ରହିଛି।

ଭୁବନେଶ୍ୱର: ଲୋକପ୍ରିୟ ରାସ୍ତା ଓ ହିମାଳୟାନ୍ କିଚେନ ୟେତି ଭୁବନେଶ୍ୱରରେ ନିଜର ଗ୍ରାଣ୍ଡ୍ ଓପ୍ନିଙ୍ଗ ସମ୍ପର୍କରେ ଘୋଷଣା କରିଛି । ‘ରାସ୍ତା’ର ଏହି ୯ମ ଆଉଟଲେଟର ଶୁଭାରମ୍ଭ ଏହାର ବଢ଼ୁଥିବା ଲୋକପ୍ରିୟତାକୁ ଦର୍ଶାଉଛି । ଭୁବନେଶ୍ୱରର ପଣ୍ଡା ଆଣ୍ଡ କୋ, ୫ମ ମହଲା, ପ୍ଲଟ୍-୭ ଓ ୮, ଝାରପଡା, ୨, ପୁରୀ-କଟକ ରୋଡ, ଲକ୍ଷ୍ମୀସାଗର, ବ୍ରାଇଟ୍ ଷ୍ଟିଲ୍ ନିକଟରେ ଅବସ୍ଥାପିତ ରାସ୍ତା ୧୦୮୦୦ ବର୍ଗଫୁଟ୍ ଅଂଚଳରେ ପରିବ୍ୟାପ୍ତ ରହିଛି ଯେଉଁଥିରେ ଏକ ଟେରସ୍ ଓ ତଳ ଫ୍ଲୋର୍ ରହିଛି ଯାହ ଏକ ଅତୁଳନୀୟ ଲାଇଫ୍ଷ୍ଟାଇଲ ଅନୁଭୂତି ପାଇଁ ଚମତ୍କାର ପରିବେଶ ପ୍ରଦାନ କରୁଛି । ଭୁବନେଶ୍ୱର ଆଉଟଲେଟ୍ ଉତ୍କର୍ଷତା ପ୍ରତି ରାସ୍ତାର ପ୍ରତିବଦ୍ଧତା ପ୍ରତି ଏକ ପ୍ରମାଣ ଅଟେ । ଏକ ବୋହେମିଆନ ଭାଇବ୍ ସହ ମିଶ୍ରଣ ହୋଇଥିବା ଭିଂଟେଜ ରେଗା ଆଏସ୍ଥେଟିକ ସହିତ ଏହି ସ୍ଥାନଟି ଲାଲ, ସବୁଜ, ହଳଦିଆ ଆଦି ରଙ୍ଗରେ ସୁସଜ୍ଜିତ ହୋଇଛି, ଯାହା ବୋହୋ-ଚିକ୍ ଓ ରାସ୍ତା ସୌନ୍ଦର୍ଯ୍ୟତାକୁ ଧାରଣ କରିଛି । ଏହି ଜୀବନ୍ତ ଓ ଆକର୍ଷଣୀୟ ପରିବେଶ ବବ୍ ମାର୍ଲି ଓ ତାଙ୍କ ପତ୍ନୀ ରୀଟା ମାର୍ଲିଙ୍କ ବୃହତ୍ ପ୍ରତିମୂର୍ତି ଦ୍ୱାରା ପରିପୂର୍ଣ୍ଣ ହୋଇଛି ଯାହା ଏହାକୁ ଏକ ସ୍ୱତନ୍ତ୍ର ଗନ୍ତବ୍ୟସ୍ଥଳୀରେ ପରିଣତ କରୁଛି ଏବଂ ଏହା ସଙ୍ଗୀତର କିମ୍ବନ୍ଦନ୍ତୀମାନଙ୍କୁ ଶ୍ରଦ୍ଧାଞ୍ଜଳି ଜଣାଉଛି । ରାସ୍ତାର ପ୍ରତିଷ୍ଠାତା ଜୟ ସିଂହ ଏହି ନୂଆ ସ୍ଥାନ ସମ୍ପର୍କରେ ନିଜର ମତାମତ ବ୍ୟକ୍ତ କରି କହିଛନ୍ତି, “ ଭୁବନେଶ୍ୱରରେ ଆମର ନୂଆ ରାସ୍ତା ଆଉଟ୍ଲେଟ ପୂର୍ବ ଉପକୂଳର ଉତ୍ସାହକୁ କାରିବିଆନର ଲେଡ୍-ବ୍ୟାକ୍, ଫ୍ରି-ସ୍ପିରିଟେଡ ଭାଇବ୍ ସହ ଏକତ୍ରିତ କରିଛି । ଦୁଇଟି ମହଲାରେ ପରିବ୍ୟାପ୍ତ ଆମର ଡିଜାଇନ ଅତିଥିମାନଙ୍କୁ ସଙ୍ଗୀତ, ସ୍ୱାଧୀନତା ଓ ସଂସ୍କୃତିର ଏକ ଦୁନିଆକୁ ନେଇଯାଉଛି । ଆମର ଟେରାସ୍ ଓ ତଳ ମହଲାରେ ୨୮୧ ଜଣ ଅତିଥିଙ୍କ ବସିବା ପାଇଁ କ୍ଷମତା ରହିଥିବା ବେଳେ, ଆମେ ଏଭଳି ଏକ ସ୍ଥାନ ପ୍ରଦାନ କରିବା ପାଇଁ ଉତ୍ସାହିତ ରହିଛୁ ଯେଉଁଠାରେ ଲୋକମାନେ ବାସ୍ତବରେ ରାସ୍ତାର ଜୀବନଶୈଳୀ ଆପଣାଇପାରିବେ ।” ରାସ୍ତା ନିକଟରେ ୟେତି ରେଷ୍ଟୁରାଂଟ୍ ଏହାର ୧୧୩୦ ବର୍ଗଫୁଟ ସ୍ଥାନରେ ହିମାଳୟର ଲୋକପ୍ରିୟ ଖାଦ୍ୟଗୁଡିକ ସହିତ ଏକ ଆରାମଦାୟକ ସ୍ଥାନ ପ୍ରଦାନ କରୁଛି । ୪୮ ଜଣ ଅତିଥିଙ୍କ ବସିବା ବ୍ୟବସ୍ଥା ସହିତ ୟେତି ଅଥେଂଟିକ ଫ୍ଲେଭର ଓ ପାରମ୍ପରିକ ଆତିଥ୍ୟରେ ପରିପୂର୍ଣ୍ଣ ଏକ ଅନ୍ତରଙ୍ଗ ଡାଇନିଂ ଅନୁଭୂତିର ପ୍ରତିଶ୍ରୁତି ଦେଉଛି । ୟେତିର ସ୍ଥାନୀୟ ଫ୍ରାଂଚାଇଜି ପାର୍ଟନର ରାହୁଲ ସ୍ୱାଇଁ ନିଜର ଉତ୍ସାହ ବ୍ୟକ୍ତ କରି କହିଛନ୍ତି, “ରାସ୍ତା ସହିତ ଭୁବନେଶ୍ୱରକୁ ୟେତି ରେଷ୍ଟୁରାଂଟକୁ ଆଣିବା ଏକ ସ୍ୱପ୍ନ ପୂରଣ ହେବା ଭଳି ଅଟେ । ମୁଁ ସହର ସହିତ ହିମାଳୟର ଖାଦ୍ୟଗୁଡିକର ସ୍ୱତନ୍ତ୍ର ସ୍ୱାଦକୁ ବାଂଟିବା ପାଇଁ ଉତ୍ସାହିତ ରହିଛି ଯାହା ନିଜର ସମୃଦ୍ଧ ସ୍ୱାଦ ଓ ରୋଷେଇ ପରମ୍ପରା ମାଧ୍ୟମରେ ଏକ ଯାତ୍ରା ପ୍ରଦାନ କରୁଛି ।” ରାସ୍ତା ଓ ୟେତିର ଶୁଭାରମ୍ଭ ଭୁବନେଶ୍ୱର ସାଂସ୍କୃତିକ ଓ ଖାଦ୍ୟ ପରିଦୃଶ୍ୟ ପାଇଁ ଏକ ସଫଳ ଇଭେଂଟ୍ରେ ପରିଣତ ହେବା ପାଇଁ ପ୍ରସ୍ତୁତ ରହିଛି । ଲାଇଭ ମ୍ୟୁଜିକ ଓ ଥିମ୍ଡ ନାଇଟ୍ ପାଇଁ ନିଜର ପ୍ରତିଶ୍ରୁତି ସହିତ ରାସ୍ତା ସଙ୍ଗୀତପ୍ରେମୀଙ୍କ ପାଇଁ ଏକ ଲୋକପ୍ରିୟ ଗନ୍ତବ୍ୟସ୍ଥଳୀରେ ପରିଣତ ହେବାକୁ ଲକ୍ଷ୍ୟ ରଖିଛି । ଅନ୍ୟପକ୍ଷଷର ୟେତି ଖାଦ୍ୟ ପ୍ରେମୀଙ୍କୁ ହିମାଳୟ ଅଂଚଳର ସ୍ୱାଦିଷ୍ଟ ଖାଦ୍ୟଗୁଡିକୁ ଆବିଷ୍କାର କରିବା ପାଇଁ ଆମନ୍ତ୍ରିତ କରୁଛି । ଜୟ ସିଂହ ଆହୁରି ମଧ୍ୟ କହିଛନ୍ତି, “ଭୁବନେଶ୍ୱରକୁ ଚୟନ କରିବା ଏକ ରଣନୈତିକ ଓ ହୃଦୟସ୍ପର୍ଶୀ ନିଷ୍ପତି ଥିଲା । ରାହୁଲଙ୍କ ସହ ଆମର ସହଭାଗିତା ତତ୍କାଳ ସଠିକ୍ ଅନୁଭବ ହୋଇଥିଲା, ଯାହା ଉତମ ସଙ୍ଗୀତ, ସମ୍ପ୍ରଦାୟର ଭାବନା ଓ ସ୍ୱତନ୍ତ୍ର ଖାଦ୍ୟକୁ ପାଳନ କରୁଥିବା ଏକ ସ୍ୱତନ୍ତ୍ର ଅଫରିଂ ପାଇଁ ମଂଚ ପ୍ରସ୍ତୁତ କରିଥିଲା । ଆମେ ପ୍ରତ୍ୟେକ ବ୍ୟକ୍ତିଙ୍କୁ ରାସ୍ତା ଓ ୟେତିରେ ଏହି ମ୍ୟାଜିକାଲ ବ୍ଲେଣ୍ଡ୍ର ଅନୁଭୂତି ପାଇବା ପାଇଁ ସ୍ୱାଗତ କରୁଛୁ ।” ରାସ୍ତା ଓ ୟେତି ଏବେ ଭୁବନେଶ୍ୱରରେ ଦିନ ୧୨ଟାରୁ ରାତି ୧୨ଟା ପର୍ଯ୍ୟନ୍ତ ଖୋଲା ରହିବ, ଯାହା ସମସ୍ତଙ୍କୁ ଏହାର ସଙ୍ଗୀତ, ସଂସ୍କୃତି ଓ ଖାଦ୍ୟ ଉତ୍କର୍ଷତାର ଜୀବନ୍ତ ଦୁନିଆକୁ ସ୍ୱାଗତ କରିବା ପାଇଁ ପ୍ରସ୍ତୁତ ରହିଛି ।

Bhubaneswar (29/02/2024): Blenders Pride Glassware brings India’s first experiential Fashion Festival: Blenders Pride Glassware Fashion NXT Festival. This is an avant-garde festival that will offer the ultimate gateway into the world of style, glamour and innovation across the domains of fashion, culinary, music, and technology on 2nd March 2024 at Sandy’s Tower Lawns. Redefining fashion experiences for young millennials in India, Blenders Pride Glassware Fashion Nxt Festival is set to travel to Bhubaneswar. Renowned designer Nachiket Barve will present a fashion showcase with the stunning Sanya Malhotra as the showstopper, unveiling a unique collection that weaves influences from the distinctive themes of Fashion NXT 2024: Wanderluxe, Gloss & Glam, and Interglamatic. The 'FASHION NXT SPOTLIGHT, powered by FDCI,' will showcase emerging trends through designs by 9 eminent designers – Alpana Neeraj, Bloni, Antar Agni, Mandira Wirk, Geisha Designs, Verandah, Shweta Kapoor, Tanieya Khanuja and Nitin Bal Chauhan, representing diverse themes of the 2024 edition. Guests attending the event will have access to STYLE 360º Fashion pop-ups by brands like Nasher Miles, All You Can Street, Doodle Mapuls, Beardo and The Styling Room, offering immersive style experiences. Alongside, attendees can groove to upbeat performances by Ritviz & ProBros. Attendees also stand a chance to win exciting coupons and vouchers at the event! Date – March 2, 2024 Venue – Sandy’s Tower Lawns, Bhubaneswar Time – 4PM onwards Tickets available on Paytm Insider Scan to Buy Tickets image.png

ଭୁବନେଶ୍ୱର: ଜିଓ ପ୍ଲାଟଫର୍ମସ୍ ଏକ ନୂତନ ୫ଜି ସମନ୍ୱିତ ମେସିନ୍ ଲର୍ଣ୍ଣିଙ୍ଗ ଏବଂ କୃତ୍ରିମ ଇଣ୍ଟେଲିଜେନ୍ସ (ଏଆଇ) ପ୍ଲାଟଫର୍ମ ‘ଜିଓ-ବ୍ରେନ୍‌’ ଶୁଭାରମ୍ଭ କରିଛି । ଜିଓ-ବ୍ରେନ୍ ସମସ୍ତ ପ୍ରକାର ଶିଳ୍ପ ଏବଂ ବ୍ୟବସାୟ ପାଇଁ ଏକ ସମନ୍ୱିତ ମେସିନ୍ ଲର୍ଣ୍ଣିଙ୍ଗ ପ୍ଲାଟଫର୍ମ ପ୍ରଦାନ କରିଥାଏ । ଜିଓ-ବ୍ରେନ୍ ପ୍ଲାଟଫର୍ମ କମ୍ପାନୀର ବର୍ତ୍ତମାନର ନେଟୱାର୍କ ସହିତ ସହଜରେ ଏକାଠି କାର୍ଯ୍ୟ କରିବାର କରିବାର କ୍ଷମତା ରଖିଛି । ଏହାକୁ ବ୍ୟବହାର କରିବାକୁ, କମ୍ପାନୀଗୁଡିକ ସେମାନଙ୍କର ବର୍ତ୍ତମାନର ନେଟୱାର୍କକୁ ପରିବର୍ତ୍ତନ କରିବା ଆବଶ୍ୟକ ପଡିବ ନାହିଁ । ଟେଲିକମ୍ ନେଟୱର୍କ ହେଉ ବା ଏଣ୍ଟରପ୍ରାଇଜ୍ ନେଟୱାର୍କ କିମ୍ବା ଯେକୌଣସି ପ୍ରକାରର ଆଇଟି ନେଟୱାର୍କ, ଜିଓ-ବ୍ରେନ୍ ସମସ୍ତ ପ୍ରକାର ନେଟୱାର୍କ ସହିତ ସଂଯୁକ୍ତ ଭାବରେ କାର୍ଯ୍ୟ କରିପାରିବ । ଆର୍ଟିଫିସିଆଲ୍ ଇଣ୍ଟେଲିଜେନ୍ସ ସହ ସଜ୍ଜିତ ଏହି ଅଭିନବ ପ୍ଲାଟଫର୍ମ ଶହ ଶହ ଇଞ୍ଜିନିୟରଙ୍କ ଉଦ୍ୟମ ଏବଂ ଦୁଇ ବର୍ଷର ଗବେଷଣା ପରେ ବିକଶିତ ହୋଇଥିବା କମ୍ପାନୀ ପକ୍ଷରୁ ସୂଚନା ଦିଆଯାଇଛି । ମେସିନ୍ ଲର୍ଣ୍ଣିଙ୍ଗକୁ ସହଜ କରିବାକୁ ଜିଓ-ବ୍ରେନ୍ ପ୍ଲାଟଫର୍ମ ୫୦୦ ରୁ ଅଧିକ ପ୍ରୟୋଗ ବା ଆପ୍ଲିକେସନ ସହିତ ସହିତ ସଜ୍ଜିତ ରହିଛି । ଚିତ୍ର, ଭିଡିଓ, ଲେଖା, ଡକ୍ୟୁମେଣ୍ଟ ପାଇଁ ଉନ୍ନତ ଏଆଇ ଫିଚର ଉପଲବ୍ଧ ରହିଛି । ସେହିପରି ଅନ୍ତର୍ନିହିତ (ଇନ୍‌-ବିଲ୍ଟ) ଏଆଇ ଆଲଗୋରିଦମ ସୁବିଧା ଜିଓ-ବ୍ରେନ୍ ପ୍ଲାଟଫର୍ମରେ ମଧ୍ୟ ଉପଲବ୍ଧ ରହିଛି । ଜିଓ ପ୍ଲାଟଫର୍ମସ୍ ଏହାକୁ ୫ଜି ଏବଂ ଭବିଷ୍ୟତର ଟେକ୍ନୋଲୋଜି ୬ଜି ପାଇଁ ଉତ୍ପାଦ ଶୃଙ୍ଖଳ ବିକାଶ ଦିଗରେ ଏକ ମାଇଲଖୁଣ୍ଟ ଭାବରେ ବିଚାର କରୁଛି । ଜିଓ-ବ୍ରେନ୍ ଉଦ୍ୟୋଗଗୁଡ଼ିକୁ ପରିବର୍ତ୍ତନ ଏବଂ ନେଟୱାର୍କ ଅପ୍ଟିମାଇଜେସନ୍ କରିବା ଦିଗରେ ସହାୟତା କରିବା ସହିତ ୬ଜି ବିକାଶ ପାଇଁ ମଧ୍ୟ ମଞ୍ଚ ପ୍ରସ୍ତୁତ କରିବ, ଯେଉଁଥିରେ ମେସିନ୍ ଲର୍ଣ୍ଣିଙ୍ଗକୁ ଏକ ପ୍ରମୁଖ ସାମର୍ଥ୍ୟ ଭାବରେ ବିବେଚନା କରାଯାଉଛି । ଜିଓ-ବ୍ରେନ୍ ଇନୋଭେସନ୍ ଇକୋସିଷ୍ଟମ ପରିସର ବିସ୍ତାର କରିବାକୁ ସମାନ ଚିନ୍ତାଧାରା ସମ୍ପନ୍ନ ଏଆଇ ଏବଂ ମେସିନ୍ ଲର୍ଣ୍ଣିଙ୍ଗ ଗବେଷକମାନଙ୍କ ସହିତ ଏକାଠି କାର୍ଯ୍ୟ କରିବାକୁ ପ୍ରସ୍ତୁତ ରହିଥିବା ପ୍ରକାଶ କରାଯାଇଛି ।

ଭୁବନେଶ୍ୱର: ଭାରତର ବୃହତ୍ତମ କମ୍ପାନୀ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ 'ଗ୍ରାଜୁଏଟ୍ ଇଞ୍ଜିନିୟର୍ ଟ୍ରେନି' କାର୍ଯ୍ୟକ୍ରମ ଆରମ୍ଭ କରିଛି । ପେଟ୍ରୋକେମିକାଲ୍ସ ଠାରୁ ଆରମ୍ଭ କରି ନୂତନ ଶକ୍ତି ପର୍ଯ୍ୟନ୍ତ ସମସ୍ତ ବିଭାଗରେ ସ୍ନାତକ ଇଞ୍ଜିନିୟର ନିଯୁକ୍ତି କରିବାକୁ ଏହା ଲକ୍ଷ୍ୟ ରଖିଛି । କମ୍ପାନୀର ୱେବସାଇଟରେ ଉପଲବ୍ଧ ସୂଚନା ଅନୁଯାୟୀ, ଗ୍ରାଜୁଏଟ୍ ଇଞ୍ଜିନିୟର୍ ଟ୍ରେନି (ଜିଇଟି) ୨୦୨୪ କାର୍ଯ୍ୟକ୍ରମ ନାମରେ ରିଲାଏନ୍ସ ଭାରତର ବିଭିନ୍ନ ସ୍ଥାନରୁ ଯୁବ ଇଞ୍ଜିନିୟରମାନଙ୍କ ପାଇଁ ପ୍ରବେଶ ସ୍ତରରେ ନିଯୁକ୍ତି ଅଭିଯାନ ଆରମ୍ଭ କରିଛି । ଏହାର ଉଦ୍ଦେଶ୍ୟ ହେଉଛି ବ୍ୟବସାୟ କ୍ଷେତ୍ରରେ ପ୍ରମୁଖ ବୈଷୟିକ ଭୂମିକାରେ ଯୁବ ତଥା ଉଚ୍ଚ କ୍ଷମତା ସମ୍ପନ୍ନ ଇଞ୍ଜିନିୟରିଂ ପ୍ରତିଭା ନିଯୁକ୍ତ କରିବା । ଏହି ବର୍ଷ ଆବେଦନ ପ୍ରକ୍ରିୟା ପ୍ରଥମ ଥର ପାଇଁ ଅନଲାଇନରେ ମାଧ୍ୟମରେ କରାଯାଇଛି । ଏହି କାର୍ଯ୍ୟକ୍ରମ ପାଇଁ ପଞ୍ଜୀକରଣ ଜାନୁୟାରୀ ୧୧ ରୁ ଆରମ୍ଭ ହୋଇଛି । ପଞ୍ଜୀକରଣ ପାଇଁ ଶେଷ ତାରିଖ ହେଉଛି ଜାନୁୟାରୀ ୧୯ । ଏହି କାର୍ଯ୍ୟକ୍ରମ ଅଧୀନରେ, କମ୍ପାନୀ ପକ୍ଷରୁ ଏଆଇସିଟିଇ ସ୍ୱୀକୃତିପ୍ରାପ୍ତ ପ୍ରତିଷ୍ଠାନ ଗୁଡିକର ରସାୟନ (କେମିକାଲ), ଇଲେକ୍ଟ୍ରିକାଲ, ଯାନ୍ତ୍ରିକ (ମେକାନିକାଲ) ଓ ଇନଷ୍ଟ୍ରୁମେଣ୍ଟେସନ ଭଳି ବିଭିନ୍ନ ବିଭାଗର ୨୦୨୪ ବ୍ୟାଚ୍ ବି.ଟେକ୍ ଏବଂ ବି.ଇ. ସ୍ନାତକମାନଙ୍କ ଠାରୁ ଅନଲାଇନ୍ ଆବେଦନ ଆହ୍ୱାନ କରାଯାଇଛି । ମନୋନୀତ ଛାତ୍ରଛାତ୍ରୀମାନେ ଫେବୃଆରୀ ୫ ରୁ ୮ ତାରିଖ ମଧ୍ୟରେ ଅନଲାଇନ୍ ମୂଲ୍ୟାଙ୍କନ (ଜ୍ଞାନଗତ ପରୀକ୍ଷା ଏବଂ ବିଷୟବସ୍ତୁ) ରେ ସାମିଲ ହେବେ । ଏଥିରେ ସଫଳ ହୋଇଥିବା ଛାତ୍ରଛାତ୍ରୀମାନଙ୍କ ଫେବୃଆରୀ ୨୩ ରୁ ମାର୍ଚ୍ଚ ୧ ତାରିଖ ମଧ୍ୟରେ ସାକ୍ଷାତକାର ନିଆଯିବ । ମାର୍ଚ୍ଚ ଶେଷରେ ଚୟନ ପ୍ରକ୍ରିୟା ଶେଷ ହେବ ।

ଭୁବନେଶ୍ୱର: ଦେଶର ଅନ୍ୟତମ ବୃହତ୍ତମ ଆର୍ଥିକ ସେବା ଗୋଷ୍ଠୀର ବଜାଜ ଫାଇନ ସର୍ଭିସର ଅଂଶ ବଜାଜ ଫାଇନାନ୍ସ ଲିମିଟେଡ ଆଜି ଏହାର ଆପ୍ ଏବଂ ୱେବସାଇଟ୍ ମାଧ୍ୟମରେ ବୁକ୍ ହୋଇଥିବା ଜମା ଉପରେ 8.85% ପର୍ଯ୍ୟନ୍ତ ସ୍ୱତନ୍ତ୍ର ହାର ପ୍ରଦାନ କରି ଡିଜିଟାଲ ଫିକ୍ସଡ ଡିପୋଜିଟ (ଏଫଡି) ଆରମ୍ଭ କରିବାକୁ ଘୋଷଣା କରିଛି। ନୂତନ ବର୍ଷର ଆରମ୍ଭ ସହିତ, ଡିଜିଟାଲ୍ ଫିକ୍ସଡ ଡିପୋଜିଟ (ଏଫଡି) ଗ୍ରାହକଙ୍କୁ ଡିଜିଟାଲ୍ ବ୍ୟବହାର କରିବାକୁ ଉତ୍ସାହିତ କରି ଜମା ବୁକ୍ କରିବାରେ ଡିଜିଟାଲ୍ ମୋଡ୍ ସାହାଯ୍ୟ କରି ସଞ୍ଚୟ ଅଭିଜ୍ଞତାକୁ ରୂପାନ୍ତରିତ କରୁଛି | ଜାନୁୟାରୀ 2, 2024 ଠାରୁ ବଜାଜ ଫାଇନାନ୍ସ ବଜାଜ ଫିନ୍ ସର୍ଭ ଆପ୍ ଏବଂ ୱେବରେ ବୁକ୍ ହୋଇଥିବା ଫିକ୍ସଡ ଡିପୋଜିଟ (ଏଫଡି) ପାଇଁ 42 ମାସ କାର୍ଯ୍ୟକାଳ ପାଇଁ ବରିଷ୍ଠ ନାଗରିକମାନଙ୍କୁ ବାର୍ଷିକ 8.85% ପର୍ଯ୍ୟନ୍ତ ଅଫର୍ ଦେଉଛି | 60 ବର୍ଷରୁ କମ୍ ଜମାକାରୀମାନେ ବାର୍ଷିକ 8.60 ପ୍ରତିଶତ ପର୍ଯ୍ୟନ୍ତ ରୋଜଗାର କରିପାରିବେ | ସଂଶୋଧିତ ହାରଗୁଡିକ ତାଜା ଜମା ଏବଂ 42 ମାସର କାର୍ଯ୍ୟକାଳ ପାଇଁ 5 କୋଟି ଟଙ୍କା ପର୍ଯ୍ୟନ୍ତ ପରିପକ୍ୱ ଜମା ନବୀକରଣ ଉପରେ ପ୍ରଯୁଜ୍ୟ ହେବ | ସଚିନ ସିକ୍କା, ମୁଖ୍ୟ - ଫିକ୍ସଡ ଡିପୋଜିଟ ଆଣ୍ଡ ଇନଭେଷ୍ଟମେଣ୍ଟ, ବଜାଜ ଫାଇନାନ୍ସ କହିଛନ୍ତି, “ଆମର ସରଳ ପ୍ରକ୍ରିୟା, ଆକର୍ଷଣୀୟ ସୁଧ ହାର ଏବଂ ଗ୍ରାହକ-ଅନୁକୂଳ ନୀତି ବଜାଜ ଫାଇନାନ୍ସ ଫିକ୍ସଡ ଡିପୋଜିଟ (ଏଫଡି) ସହିତ ଗ୍ରାହକଙ୍କ ଅଭିଜ୍ଞତାକୁ ବ୍ୟାଖ୍ୟା କରେ। 2 ବର୍ଷରେ ଆମର ଜମା ପୁସ୍ତକର 2 ଗୁଣ ବୃଦ୍ଧି ମଧ୍ୟ ବଜାଜ ବ୍ରାଣ୍ଡରେ ଥିବା ଟ୍ରଷ୍ଟ ଗ୍ରାହକଙ୍କ ସ୍ଥାନ ପାଇଁ ଏକ ପ୍ରମାଣ | ଆମର ଫିକ୍ସଡ ଡିପୋଜିଟ (ଏଫଡି) ଗୁଡିକ ବର୍ତ୍ତମାନ ଜମାକାରୀଙ୍କୁ ଡିଜିଟାଲ୍-ପ୍ରଥମେ ଭାବିବାକୁ ଊସ୍ଛାହିତ କରେ | ଏହା ଏକ ସରଳ ଏଣ୍ଡ-ଟୁ-ଏଣ୍ଡ ଡିଜିଟାଲ ଯାତ୍ରା ଭାବରେ ନିର୍ମିତ ହୋଇଛି ଯାହାକି ଅଧିକ ସୁଧ ହାର ସହିତ ବଜାଜ ଫିନ୍ ସର୍ଭ ଆପ୍ ଏବଂ ୱେବରେ ଉପଲବ୍ଧ | ଏହା ଡିଜିଟାଲ ଯୁଗରେ ଏଫଡି ଖୋଲିବା ଅଭିଜ୍ଞତାକୁ ଆଣିଥାଏ।” ସେପ୍ଟେମ୍ବର 30, 2023 ସୁଦ୍ଧା ବଜାଜ ଫାଇନାନ୍ସରେ ଏହାର ଆପ୍ ପ୍ଲାଟଫର୍ମରେ 44.68 ନିୟୁତ ନେଟ ବ୍ୟବହାରକାରୀଙ୍କ ସହିତ 76.56 ମିଲିୟନ ଗ୍ରାହକ ଅଛନ୍ତି। ଡାଟା.ଆଇଓ ରିପୋର୍ଟ ଅନୁଯାୟୀ ବଜାଜ ଫିନ୍ ସର୍ଭ ଆପ୍ ହେଉଛି ଭାରତର ପ୍ଲେଷ୍ଟୋରରେ ଆର୍ଥିକ ଡୋମେନ ଗୁଡିକ ମଧରେ ଚତୁର୍ଥ ସର୍ବାଧିକ ଡାଉନଲୋଡ୍ ହୋଇଥିବା ଆପ୍ | ସେପ୍ଟେମ୍ବର 30, 2023 ସୁଦ୍ଧା 54,821 କୋଟି ରୁ ଅଧିକ ମୂଲ୍ୟର ଏକୀଭୂତ ଜମା ବୁକ୍ ଏବଂ 1.4 ମିଲିୟନରୁ ଅଧିକ ଜମା ସହିତ ସହିତ କମ୍ପାନୀ ଦେଶର ସର୍ବ ବୃହତ ଜମା ଗ୍ରହଣକାରୀ ଏନ ବି ଏଫ ସି ଭାବରେ ଉଭା ହୋଇଛି | ବଜାଜ ଫାଇନାନ୍ସ ଫିକ୍ସଡ ଡିପୋଜିଟ ପ୍ରୋଗ୍ରାମରେ କ୍ରିସିଲ ର ଏଏଏ / ସ୍ଥିର ଏବଂ ଆଇସିଆରଏ ର ଏଏଏ (ସ୍ଥିର) ସହିତ ସର୍ବାଧିକ ସ୍ଥିରତା ମୂଲ୍ୟାୟନ ରହିଛି, ଯାହା ନିବେଶକମାନଙ୍କ ପାଇଁ ଏକ ସୁରକ୍ଷିତ ବିନିଯୋଗ ବିକଳ୍ପ ପ୍ରଦାନ କରିଥାଏ | କମ୍ପାନୀର ଆପ୍ ଏକ ଇନଭେଷ୍ଟମେଣ୍ଟ ମାର୍କେଟପ୍ଲେସ୍ ମଧ୍ୟ ପ୍ରଦାନ କରେ ଯେଉଁଠାରେ ଗ୍ରାହକମାନେ ବିଭିନ୍ନ ପ୍ରକାରର ମ୍ୟୁଚୁଆଲ୍ ଫଣ୍ଡ୍ ପାଇପାରିବେ |

ଭୁବନେଶ୍ୱର : ସିକେ ବିର୍ଲା ଗ୍ରୁପ୍‌ର ଭାରତର ସବୁଠାରୁ ବିଶ୍ୱସ୍ତ ତଥା ଦ୍ରୁତ ବିକଶିତ ଆଇଭିଏଫ୍ ଚେନ, ବିର୍ଲା ଫର୍ଟିଲିଟି ଏବଂ ଆଇଭିଏଫ୍ ପକ୍ଷରୁ ଏହାର ଭୁବନେଶ୍ୱର କେନ୍ଦ୍ରର ୧ ବର୍ଷ ପୂର୍ତି ଉତ୍ସବ ପାଳନ କରାଯାଇଛି । ୨୦୨୨ମସିହାରେ ଆରମ୍ଭ ହୋଇଥିବା ଏହି କେନ୍ଦ୍ର କେବଳ ଭୁବନେଶ୍ୱର ନୁହେଁ, ବରଂ ପୁରୀ, ବ୍ରହ୍ମପୁର, ସମ୍ବଲପୁର ଓ ଭଦ୍ରକ ଭଳି ଆଖପାଖ ଅଂଚଳରେ, ସାମଗ୍ରିକ ପ୍ରଜନନ ସେବା ଏବଂ ବିଶ୍ୱସ୍ତରୀୟ ଭିତିଭୂମି ମାଧ୍ୟମରେ ଦମ୍ପତିଙ୍କୁ ପିତାମାତା ହେବାର ଆନନ୍ଦ ପ୍ରଦାନ କରିଛି । ଏହି ଅବସରରେ ବିର୍ଲା ଫର୍ଟିଲିଟି ଏବଂ ଆଇଭିଏଫ୍‌ର ସେଂଟର ମୁଖ୍ୟ ଓ କନସଲଟାଂଟ ଡା. ଲିପ୍ସା ମିଶ୍ରଙ୍କ ସହ ଅନେକ ରୋଗୀ ଯୋଗ ଦେଇଥିଲେ, ଯେଉଁମାନେ ପିତାମାତା ହେବାର ସେମାନଙ୍କର ଉଲ୍ଲେଖନୀୟ ଯାତ୍ରା ବାଂଟିଥିଲେ । ଡା. ମିଶ୍ର ଜଣେ ୩୮ ବର୍ଷୀୟ ରୋଗୀଙ୍କ ଏକ ଆକର୍ଷଣୀୟ କେସ୍ ଷ୍ଟଡି ଉପରେ ଆଲୋକପାତ କରିଥିଲେ, ଯିଏ କି ପ୍ରାଥମିକ ସବ୍‌-ଫର୍ଟିଲିଟି ଏବଂ ୬ଟି ବିଫଳ ଆଇଭିଏଫ୍ ଚକ୍ର ସହିତ ଅନ୍ୟାନ୍ୟ ଡାକ୍ତରୀ ଜଟିଳତାରେ ପୀଡ଼ିତ ଥିଲେ ଏବଂ କିଭଳି ବିର୍ଲା ଫର୍ଟିଲିଟି ଏବଂ ଆଇଭିଏଫର ଦକ୍ଷତା ବଳରେ ଏହି ଦମ୍ପତି ବର୍ତମାନ ସେମାନଙ୍କର ପ୍ରଥମ ସନ୍ତାନର ଆଶା ରଖିଛନ୍ତି ତାହା ମଧ୍ୟ ବର୍ଣ୍ଣନା କରିଥିଲେ । ୩୮ ବର୍ଷୀୟ ଏହି ରୋଗୀ ଦୀର୍ଘ ୧୦ ବର୍ଷ ଧରି ପ୍ରାଥମିକ ସବ୍‌-ଫର୍ଟିଲିଟି ସହ ସଂଘର୍ଷ କରୁଥିଲେ ଏବଂ ଅସ୍ପଷ୍ଟ ଉପ-ପ୍ରଜନନ ସମସ୍ୟା ଜଟିଳତାକୁ ଆହୁରି ବଢ଼ାଇ ଦେଇଥିଲା । ଫଳରେ ଆଇଭିଏଫ୍ ଚକ୍ର ବିଫଳ ହୋଇଥିଲା । ପରେ ରୋଗୀ ଏବଂ ତାଙ୍କ ସାଥୀଙ୍କର ଏକ ଡୋନର ଏଗ୍ ଆଇଭିଏଫ କାର୍ଯ୍ୟକ୍ରମ କରାଯାଇଥିଲା ଏବଂ ଏହା ପରେ ଇନଟ୍ରାସିଟୋପ୍ଲାଜମିକ ସ୍ପର୍ମ ଇଞ୍ଜେକ୍ସନ (ଆଇସିଏସଆଇ) କରାଯାଇଥିଲା । ବିର୍ଲା ଫର୍ଟିଲିଟି ଏବଂ ଆଇଭିଏଫର ଏହି ଟିମ୍ ୨୧,୦୦୦ରୁ ଅଧିକ ଚକ୍ରର ମିଳିତ ଅଭିଜ୍ଞତା ସହିତ ଏକ କଷ୍ଟମାଇଜ ହୋଇଥିବା ପ୍ଲାନ୍ ଜରିଆରେ ରୋଗୀଙ୍କ ଚିକିତ୍ସା କରିଥିଲେ, ଯାହାକି ତାଙ୍କୁ ଏକ ଦଶନ୍ଧିର ନିରାଶା ପରେ ଗର୍ଭଧାରଣ କରିବାରେ ସାହାଯ୍ୟ କରିଥିଲା । ଏହି ପ୍ରସଙ୍ଗ ଉପରେ ମତବ୍ୟକ୍ତ କରି ବିରଲା ଫର୍ଟିଲିଟି ଏବଂ ଆଇଭିଏଫ କନସଲଟାଂଟ ଡା. ଲିପ୍ସା ମିଶ୍ର କହିଛନ୍ତିଯେ, “ବିର୍ଲା ଫର୍ଟିଲିଟି ଏବଂ ଆଇଭିଏଫ୍ ପିତାମାତା ହେବା ଆହ୍ୱାନର ମୁକାବିଲା କରୁଥିବା ଦମ୍ପତିଙ୍କୁ ଉଚ୍ଚ ଗୁଣବତାର ବ୍ୟକ୍ତିଗତ ଯତ୍ନ ପ୍ରଦାନ କରି ସୁଯୋଗର ଏକ କ୍ଷେତ୍ର ପ୍ରଦାନ କରିଛି । ଆମର ବ୍ୟାପକ ଉନ୍ନତ ଚିକିତ୍ସା, ଅତ୍ୟାଧୁନିକ ସୁବିଧା, ଅଭିଜ୍ଞ ଡାକ୍ତରୀ ଦଳ ଏବଂ ସୁଲଭତା ପ୍ରତି ପ୍ରତିବଦ୍ଧତା ସହିତ, ଆମେ କ୍ରମାଗତ ଭାବରେ ପହଂଚଯୋଗ୍ୟ ପ୍ରଜନନ ସମାଧାନ ପ୍ରଦାନ କରିଛୁ । ଏକ ଦଶନ୍ଧିର ଅଣ-ପ୍ରଜନନ ଏବଂ ୬ଟି ବିଫଳ ଆଇଭିଏଫ୍ ପ୍ରୟାସ ସହିତ ସଂଘର୍ଷ କରୁଥିବା ଏହି ଦମ୍ପତିଙ୍କ ପାଇଁ ସକାରାତ୍ମକ ଗର୍ଭଧାରଣ ଅତୁଳନୀୟ ଆନନ୍ଦ ଏବଂ କୃତଜ୍ଞତା ଆଣିଦେଇଛି । ଆଜି ରୋଗୀଙ୍କ ଉପସ୍ଥିତି ଉନ୍ନତ ପ୍ରଜନନ ଚିକିତ୍ସା ଏବଂ ଅନୁକମ୍ପାମୂଳକ ଯତ୍ନ ପ୍ରଦାନ କରିବା ପାଇଁ ଆମର ସ୍ଥାୟୀ ପ୍ରତିବଦ୍ଧତାକୁ ଉଦାହରଣ ଦେଉଛି ଯାହା ଆମ ବ୍ରାଣ୍ଡର ଗୁଣକୁ ଦର୍ଶାଏ ।” ବିର୍ଲା ଫର୍ଟିଲିଟି ଏବଂ ଆଇଭିଏଫର ପରାମର୍ଶଦାତା ଡା. ରୋହାନୀ ନାୟକ ଆହୁରି କହିଛନ୍ତି, “ବନ୍ଧ୍ୟାତ୍ୱ ହେଉଛି ଭାରତରେ ଏକ ନୀରବତାରେ ବୃଦ୍ଧି ପାଉଥିବା ମହାମାରୀ । ଏହି ଅବସ୍ଥା ଏବଂ ଉପଲବ୍ଧ ଚିକିତ୍ସା ବିଷୟରେ ପର୍ଯ୍ୟାପ୍ତ ବୁଝାମଣାର ଅଭାବ, ବନ୍ଧ୍ୟାତ୍ୱ ସମସ୍ୟାର ସମାଧାନ ପାଇଁ ଅନିଚ୍ଛା, ଚିକିତ୍ସା ଖର୍ଚ୍ଚ ଏବଂ ମୂଲ୍ୟରେ ଅସ୍ପଷ୍ଟତା ରୋଗ ବୋଝକୁ ଆହୁରି ବଢ଼ାଇ ଦେଇଥାଏ । ତଥାପି, ଡାକ୍ତରୀ ଜ୍ଞାନକୌଶଳର ଆବିର୍ଭାବ, ଉପଲବ୍ଧତା ଏବଂ ସାମର୍ଥ୍ୟର ଦ୍ୱୈତ ଆହ୍ୱାନର ମୁକାବିଲା କରିବାରେ ସାହାଯ୍ୟ କରିଛି, ଯାହା ପିତାମାତା ହେବାକୁ ସମସ୍ତଙ୍କ ପାଇଁ ବାସ୍ତବତାରେ ପରିଣତ କରିଛି । ତେଣୁ ଲୋକମାନେ ଏହି ଅବସ୍ଥା ବିଷୟରେ ସଚେତନ ହେବା, ଏହାକୁ ଗ୍ରହଣ କରିବା ଏବଂ ଠିକ୍ ସମୟରେ ଡାକ୍ତରୀ ହସ୍ତକ୍ଷେପ ନେବା ଜରୁରୀ । ବିର୍ଲା ଫର୍ଟିଲିଟି ଏବଂ ଆଇଭିଏଫ୍ ସେଂଟରରେ ଜଣେ ପରାମର୍ଶଦାତା ଭାବରେ, ଆମେ କରିଥିବା ଗୁଣାତ୍ମକ କାର୍ଯ୍ୟ ପାଇଁ ମୁଁ ଅତ୍ୟନ୍ତ ଗର୍ବ ଅନୁଭବ କରୁଛି । ଏହି ବାର୍ଷିକୀ ରେ ଆମର ଯାତ୍ରା ବିଶ୍ୱାସ ଏବଂ ସଫଳତାର ଅଗଣିତ କାହାଣୀ ରେ ଚିହ୍ନିତ ହୋଇଛି । ଉନ୍ନତ ପ୍ରଜନନ ଚିକିତ୍ସା ଏବଂ ସହାନୁଭୂତିମୂଳକ ଯତ୍ନ ପ୍ରତି ଆମର ସ୍ଥାୟୀ ପ୍ରତିବଦ୍ଧତା ଆମ ବ୍ରାଣ୍ଡର ମୂଳ ମୂଲ୍ୟବୋଧର ପ୍ରମାଣ ।” ସମସ୍ତ ପ୍ରଜନନ ଏବଂ ଆଇଭିଏଫ ଚିକିତ୍ସା ପାଇଁ ବିରଲା ଫର୍ଟିଲିଟି ଏବଂ ଆଇଭିଏଫ ଏକ ବ୍ୟାପକ କେନ୍ଦ୍ର ଭାବେ ସ୍ୱୀକୃତି ପ୍ରାପ୍ତ । ଏହି କାର୍ଯ୍ୟକ୍ରମରେ ପ୍ରଜନନ ଚିକତ୍ସା କରାଇଥିବା ରୋଗୀମାନେ ଯୋଗ ଦେଇଥିଲେ ଏବଂ ଯେଉଁମାନେକି ବର୍ତମାନ ଆନନ୍ଦର ସହ ସେମାନଙ୍କର ପିତାମାତା ହେବାର ଯାତ୍ରାକୁ ଉପଭୋଗ କରୁଛନ୍ତି । ଏହି ଉତ୍ସବ ପାଳନ ସମୟରେ ବର୍ଣ୍ଣିତ ବିଭିନ୍ନ ମାଇଲଖୁଂଟ ଡାକ୍ତରୀ ଉତ୍କର୍ଷତା ଏବଂ ରୋଗୀ-କୈନ୍ଦ୍ରିକ ଯତ୍ନ ପ୍ରତି ବ୍ରାଣ୍ଡର ପ୍ରତିବଦ୍ଧତା ଉପରେ ଆଲୋକପାତ କରିଛି । ଦମ୍ପତିଙ୍କ ହସହସ ଚେହେରା ରେ ସେମାନେ ଅତିକ୍ରମ କରିଥିବା ଆହ୍ୱାନ ଏବଂ ପ୍ରତିବନ୍ଧକ ସହିତ ସମଗ୍ର ଯାତ୍ରାରେ ସେମାନଙ୍କର ସ୍ଥିରତା ଏବଂ ସଂକଳ୍ପ ପ୍ରତିଫଳିତ ହୋଇଥିଲା । ବିର୍ଲା ଫର୍ଟିଲିଟି ଏବଂ ଆଇଭିଏଫ୍ ଏହାର ଦକ୍ଷତା ଏବଂ ସ୍ଥାୟୀ ପ୍ରତିବଦ୍ଧତା ମାଧ୍ୟମରେ ସେମାନଙ୍କର ପିତାମାତା ହେବା ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା । ସେମାନଙ୍କ ଉପସ୍ଥିତି ଉତ୍ସବରେ ଏକ ଅର୍ଥପୂର୍ଣ୍ଣ ଏବଂ ବ୍ୟକ୍ତିଗତ ସ୍ପର୍ଶ ଯୋଡ଼ିଥିଲା ଏବଂ ବ୍ୟକ୍ତି ବିଶେଷ ଏବଂ ପରିବାର ଉପରେ ବିର୍ଲା ଫର୍ଟିଲିଟି ଏବଂ ଆଇଭିଏଫର ସକାରାତ୍ମକ ପ୍ରଭାବ ଉପରେ ଗୁରୁତ୍ୱାରୋପ କରିଥିଲା । ବିରଲା ଫର୍ଟିଲିଟି ଏବଂ ଆଇଭିଏଫ ପ୍ରଜନନ ସମସ୍ୟା ଥିବା ଦମ୍ପତିଙ୍କ ପାଇଁ କ୍ଲିନିକାଲ ରୂପେ ଭରସାଯୋଗ୍ୟ ଚିକିତ୍ସା, ସୁଲଭ ଏବଂ ସ୍ପଷ୍ଟ ମୂଲ୍ୟ, ଏବଂ ସହାନୁଭୂତିପୂର୍ଣ୍ଣ ଓ ବିଶ୍ୱାସନୀୟ ଯତ୍ନର ପ୍ରତିଶ୍ରୁତି ଦେଉଛି । ସ୍ୱଳ୍ପ ଅବଧି ମଧ୍ୟରେ ଏହି ଉଦ୍ୟୋଗ ୨୧,୦୦୦ରୁ ଅଧିକ ଚକ୍ରର ଏକ ମିଳିତ ଅଭିଜ୍ଞତା ମାଧ୍ୟମରେ ବନ୍ଧ୍ୟାତ୍ୱ ରୋଗୀଙ୍କ ପାଇଁ ଅଗ୍ରଣୀ ଫଳାଫଳ ସୃଷ୍ଟି କରିଛି ।

ଭୁବନେଶ୍ୱର: ରିଲାଏନ୍ସ ଜିଓ ଇନ୍ଫୋକମ ଲିମିଟେଡ଼ ପକ୍ଷରୁ ଚଳିତ ଆର୍ଥିକ ବର୍ଷର ଦ୍ଵିତୀୟ ତ୍ରୟମାସର ଆର୍ଥିକ ଫଳାଫଳ ଘୋଷଣା କରାଯାଇଛି। ଜୁଲାଇ-ସେପ୍ଟେମ୍ବର ୨୦୨୩ ତ୍ରୟମାସରେ ରିଲାଏନ୍ସ ଜିଓ ଇନ୍ଫୋକମ ଲିମିଟେଡ଼ ର ନେଟ ଲାଭ ଗତ ବର୍ଷ ସମାନ ତ୍ରୟମାସ ତୁଳନାରେ ୧୨ ପ୍ରତିଶତ ବୃଦ୍ଧି ପାଇଁ ୫୦୫୮ କୋଟି ଟଙ୍କା ହୋଇଥିବା କମ୍ପାନୀ ପକ୍ଷରୁ ପ୍ରକାଶ କରାଯାଇଛି । ଗତ ବର୍ଷ ସମାନ ତ୍ରୟମାସରେ କମ୍ପାନୀର ନେଟ ଲାଭ ୪୫୧୮ କୋଟି ଟଙ୍କା ରହିଥିଲା। ଜୁଲାଇ-ସେପ୍ଟେମ୍ବର ୨୦୨୩ ତ୍ରୟମାସରେ କମ୍ପାନୀର ପରିଚାଳନାଗତ ରାଜସ୍ବ ୯.୮ ପ୍ରତିଶତ ବୃଦ୍ଧି ସହିତ ୨୪୭୫୦ କୋଟି ଟଙ୍କା ରହିଥିବା ଜଣାପଡିଛି। ସୂଚନାଯୋଗ୍ୟ ଯେ ରିଲାଏନ୍ସ ଜିଓ ସର୍ବାଧିକ ସଂଖ୍ୟକ ଗ୍ରାହକ ଓ ସର୍ବାଧିକ ରାଜସ୍ବ ବଜାର ଅଂଶ ସହିତ ଦେଶର ସର୍ବବୃହତ ଟେଲିକମ ଓ ଡିଜିଟାଲ ସେବା ପ୍ରଦାନକାରୀ କମ୍ପାନୀ ହୋଇଥିବା ବେଳେ ଦ୍ରୁତ ଗତିରେ ଏହାର ୫ଜି ନେଟୱାର୍କର ସମ୍ପ୍ରସାରଣ ଜାରି ରଖିଛି। ଦେଶରେ ଏବେ ରହିଥିବା ମୋଟ ୫ଜି ନେଟୱାର୍କର ୮୫ ପ୍ରତିଶତ ଜିଓ ସ୍ଥାପନା କରିଛି । ନିକଟରେ କମ୍ପାନୀ ପକ୍ଷରୁ ଦେଶର ପ୍ରମୁଖ ସହରଗୁଡିକରେ ଜିଓ ଏୟାର ଫାଇବର ସେବା ଶୁଭାରମ୍ଭ କରାଯାଇଛି ।

ଭୁବନେଶ୍ୱର: ଜିଓ ଏୟାରଫାଇବର୍ ପାଇଁ ପ୍ରତୀକ୍ଷାର ଅନ୍ତ ହୋଇଛି । ସେପ୍ଟମ୍ବର ୧୯ ଗଣେଶ ପୂଜାରେ ଏହାର ଶୁଭାରମ୍ଭ କରାଯିବ ବୋଲି ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନି କମ୍ପାନୀର ବାର୍ଷିକ ସାଧାରଣ ବୈଠକରେ ଘୋଷଣା କରିଛନ୍ତି । ୫ଜି ନେଟ୍‌ୱର୍କ ଓ ଉନ୍ନତ ଓୟାରଲେସ୍ ପ୍ରଯୁକ୍ତିକୁ ବ୍ୟବହାର କରି ଜିଓ ଏୟାର ଫାଇବର୍ ଘରେ ଓ କାର୍ଯ୍ୟାଳୟରେ ଓୟାରଲେସ୍ ବ୍ରଡ୍‌ବ୍ୟାଣ୍ଡ୍ ସେବା ପ୍ରଦାନ କରିବ । ଜିଓ ଏୟାର ଫାଇବର ଶୁଭାରମ୍ଭ ପରେ ଟେଲିକମ୍ କ୍ଷେତ୍ରରେ ବୈପ୍ଳବିକ ପରିବର୍ତନ ଆଶା କରାଯାଉଛି । ମୁକେଶ ଅମ୍ବାନି କହିଛନ୍ତି ଯେ, “ଏକ କୋଟିରୁ ଅଧିକ ପରିସର ଆମ ଅପ୍ଟିକାଲ୍ ଫାଇବର ସେବା ଜିଓଫାଇବର ସହ ଯୋଡ଼ିହୋଇଛନ୍ତି । ଏବେବି ଏଭଳି ଏକ ଲକ୍ଷ ପରିସର ରହଛି ଯେଉଁଠାରେ ଓୟାର ଲାଇନ ସଂଯୋଗ ପ୍ରଦାନ କରିବା କଷ୍ଟକର ବ୍ୟାପାର ହୋଇରହିଛି । ଜିଓ ଏୟାର ଫାଇବର ସେହି କଷ୍ଟକୁ ସହଜ କରିବ । ଏହା ଜରିଆରେ ଆମେ ୨୦ କୋଟି ଘର ଓ ପରିସରରେ ପହଂଚିବା ଲାଗି ଆଶା କରୁଛୁ । ଜିଓ ଏୟାର ଫାଇବର ଆସିବା ପରେ ପ୍ରତିଦିନ ଜିଓ ୧.୫ ଲକ୍ଷ ନୂଆ ଗ୍ରାହକ ଯୋଡ଼ିପାରିବ ।’’ ଜିଓର ଅପ୍ଟିକାଲ୍ ଫାଇବର୍ ଭିତିଭୂମି ସାରା ଭାରତର ୧୫ ଲକ୍ଷ କିଲୋମିଟରରେ ବ୍ୟାପ୍ତ ରହିଛି । ଅପ୍ଟିକାଲ୍ ଫାଇବର୍ ରେ ଗ୍ରାହକମାନେ ମାସିକ ହାରାହାରି ୨୮୦ ଜିବିରୁ ଅଧିକ ଡାଟା ଉପଯୋଗ କରୁଛନ୍ତି ଯାହା ଜିଓର ଗ୍ରାହକ ପିଛା ମୋବାଇଲ୍ ଡାଟା ବ୍ୟବହାରଠାରୁ ୧୦ ଗୁଣା ଅଧିକ । ବାର୍ଷିକ ସାଧାରଣ ବୈଠକରେ ଜିଓ ଏୟାର ଫାଇବର ସହିତ ଜିଓ ଟ୍ରୁ-୫ଜି ଡେଭଲପର ପ୍ଲାଟଫର୍ମ ଓ ଜିଓ ଟ୍ରୁ-୫ଜି ଲ୍ୟାବ୍‌ର ଶୁଭାରମ୍ଭ ବିଷୟରେ ମଧ୍ୟ ଘୋଷଣା କରି ଜିଓର ଅଧ୍ୟକ୍ଷ ଆକାଶ ଅମ୍ବାନି କହିଛନ୍ତି ଯେ ଆମେ ଏକ ଏଭଳି ପ୍ଲାଟଫର୍ମ ତିଆରି କରୁଛୁ ଯାହା ଉଦ୍ୟୋଗୀ, କ୍ଷୁଦ୍ର ବ୍ୟବସାୟ ଓ ଷ୍ଟାର୍ଟଅପ୍‌ଗୁଡ଼ିକର ଡିଜିଟାଲ୍ ଦୁନିଆ ସହ ସମ୍ପର୍କ ମାଧ୍ୟମକୁ ବଦଳାଇଦେବ । ଉଦ୍ୟୋଗୀମାନଙ୍କ ଆବଶ୍ୟକତାକୁ ଦୃଷ୍ଟିରେ ରଖି ଜିଓ ପକ୍ଷରୁ ୫ଜି ନେଟ୍‌ୱର୍କ, ଏଜ୍ କମ୍ପ୍ୟୁଟିଂ ଓ ଆପ୍ଲିକେସନକୁ ମିଶାଇ ଏକ ବ୍ୟାପକ ପ୍ଳାଟଫର୍ମ ପ୍ରସ୍ତୁତ କରାଯାଇଛି । ସେହିପରି, ଜିଓ ଟ୍ରୁ-୫ଜି ଲ୍ୟାବ୍‌ରେ ଆମ ଔଦ୍ୟୋଗିକ ସହଯୋଗୀମାନେ ଶିଳ୍ପ କ୍ଷେତ୍ର ପାଇଁ ସ୍ୱତନ୍ତ୍ର ସମାଧାନର ବିକାଶ, ପରୀକ୍ଷଣ ଓ ମିଳିତ ଭାବେ ନିର୍ମାଣ କରିପାରିବେ । ଜିଓ ଟ୍ରୁ-୫ଜି ଲ୍ୟାବ୍ ରିଲାଏନ୍ସ କର୍ପୋରେଟ୍ ପାର୍କ, ନଭି ମୁମ୍ବାଇରେ ରହିବ ।